Nirekomenda ng Pangulong Rodrigo Duterte ang pagbabantay ng mga pulis sa mga quarantine facilities matapos ang insidenteng pagtakas ng isang balikbayan sa quarantine facility kung saan ay nakapanghawa siya ng 15 na katao.
Ayon sa Pangulo, walang sapat na awtoridad ang mga may-ari ng hotel na pigilan ang mga tao na lumabag sa mga protocol ng quarantine, tanging gobyerno lamang ang may kakayahan nito kung kaya’t mas nararapat na miyembro ng gobyerno tulad ng mga pulis ang ipuwesto upang magpatupad nito.
“The hotel owners or whoever is working there cannot be tasked of or placing the burden of enforcing the rules of quarantine because only government can enforce it…Ang makapaghinto sa kanila yung government personnel put in the hotel to work in the matter of placing people under quarantine,” pahayag niya sa Talk to the People.
“Yung delegated power is not really very clear that they can stop or bar or prohibit. Medyo kulang ang batas. ’Yan yung problema. That’s why yung pulis nalang,” dagdag pa niya.
Tumugon naman si Department of Interior and Local Government (DILG) Secretary Año sa panukala ng Pangulo hinggil sa pagbabantay ng hanay ng Pambansang Pulisya sa mga quarantine facilities. Dagdag pa ng Kalihim na napagplanuhan na niya at ni Philippine National Police (PNP) Chief, PGen Dionardo Carlos matapos ang anunsyo.
Kinumpirma naman ng Pangulo kay Department of Justice (DOJ) Secretary Menardo Guevarra kung may karampatang pananagutan ang mga may-ari ng hotel sa pagpayag nitong makalabas sa quarantine facilities ang mga taong naka-quarantine.
Ayon kay Guevarra, ang sinumang mapatunayang lumabag sa Republic Act (RA) No. 11332 or the Mandatory Reporting of Notifiable Diseases and Health Events of Public Concern Act ay maaaring patawan ng multa, pagkakakulong o pareho.
“There is a provision on non-cooperation as part of prohibited acts and it seems to be that non-cooperation on the part of certain entities which are charged with a duty to respond to the pandemic may also be punishable. So these entities, Mr. President, may include establishments that are charged with the duty, for example, as a quarantined hotel to ensure that people that are quarantined within the establishment should not be able to jump the quarantine regulations,” sagot ni Sec. Guevarra.
Dugtong pa ng Kalihim na limitado lamang ng awtoridad ng mga may-ari ng hotel sa paggawa ng paraan upang mapigilan ang mga quarantine violators. Ayon din sa kanya, wala silang coercive power upang pumigil ngunit maaari silang magsumbong at magreport ng mga paglabag ng mga nakaquarantine.
Hinihimok naman ng PNP ang komunidad upang huwag mag-atubiling ireport ang mga paglabag sa batas sa mga sumusunod na e-Sumbong channels: Mag-text sa 0919-160-1752 o 0917-847-5757; Mag-email sa e-sumbong@pnp.gov.ph; Mag-message sa Facebook/OfficialPNPHotline; o bisitahin ang e-Sumbong Web Portal sa https://e-sumbong.pnp.gov.ph.
#####
Panulat ni: Patrolman Noel Lopez
Salamat sa mga Alagad Ng Batas