Nueva Ecija – Nakahanda na ang Police Assistance Desk ng Guimba PNP sa paggunita ng Ligtas Undas 2023 sa Guimba Public Cemetery, Brgy. Bacayao, Guimba, Nueva Ecija nito lamang Martes, ika-31 ng Oktubre 2023.
Pinamunuan ito ni Police Lieutenant Colonel Reynold Macabitas, Chief of Police ng Guimba Municipal Police Station, katuwang ang mga Barangay Peacekeeping Action Teams (BPATs) at Force Multipliers.
Ito ay bilang paghahanda ng mga awtoridad sa mahigpit na seguridad sa mga kababayan nating bibisita sa mga sementeryo.
Layunin nito na masiguro ang kaligtasan ng mga mamamayan at maging mapayapa ang pagbisita ng bawat isa na pupunta sa mga puntod.
Laging nakaantabay ang Guimba PNP sa pagbabantay ng seguridad sa kanilang nasasakupan.
Source: Guimba Municipal Police Station
Panulat ni PCpl Jeselle V Rivera
