Nakiisa sa isinagawang relief operations ang mga tauhan ng Polangui Municipal Police Station sa mga evacuees na nasa evacuation center ng Sugad at Lanigay Elementary School sa Polagui, Albay nitong Martes, Oktubre 23, 2024.
Ang mga evacuees ay mula pa sa iba’t ibang barangay ng Polangui na apektado ng pananalasa ng Bagyong Kristine sa probinsya ng Albay.
Ang pamamahagi ng relief goods ay pinangunahan ng mga lokal na pamunuan ng Polangui katuwang ang iba pang ahensya ng gobyerno.
Ang PNP ay patuloy na magbibigay ng tulong sa mga pamilyang naapektuhan ng bagyo at sisiguraduhin ang seguridad ng bawat isa sa panahon ng kalamidad.
