Cavite – Makabuluhan ang ginanap na pagtitipon sa Philippine National Police Academy na pinangunahan ni Pangulong Ferdinand R. Marcos Jr., sa pagbibigay pugay at pag-alala sa SAF 44 sa pamamagitan ng wreath-laying sa Monumento ng mga Yumaong mga Bayani, kasama ang mga PNP Officials at ilang pamilya ng SAF 44 nito lamang Huwebes, Enero 25, 2024.
Ngayong taon ay ang ika-9 na anibersaryo ng pag-alaala sa mga namayapa nating bayani. Idineklara rin ang ika-25 ng Enero bilang National Day of Remembrance alinsunod sa Presidential Proclamation No. 164 na may temang “Valiant Men with Unparalleled Devotion to God, Country, and People: A Blessing to a Victorious Nation”.
Dinaos ang parehong seremonya sa lahat ng Police Regional Offices sa bansa na naglalayong magbigay respeto at pagkilala sa mga miyembro ng pulisya na nagsisilbing inspirasyon sa kanilang tapang at paglilingkod sa bayan.
Panulat ni Patrolwoman Maria Sarah P Bernales
