Kalinga – Pinasinayaan ang bagong gusali ng Tabuk City Police Station – ang kauna-unahang PNP prototype police station sa buong bansa sa Brgy. Laya West, Tabuk City, Kalinga nito lamang ika-18 ng Abril 2023.
Ang aktibidad ay pinangunahan ng Hepe ng Pambansang Pulisya, Police General Rodolfo S Azurin Jr., katuwang ang CEO ng Public Safety Savings and Loan Association Inc. (PSSLAI) na si Atty. Lucas Managuelod, Congressman Sonny Mangaoang, Governor James Edduba, City Mayor, Darwin Estrañero at iba pang mga opisyal ng PNP at mga lokal na opisyal ng Kalinga.
Tampok sa aktibidad ang Signing of Deed of Donation with Acceptance at Turn-over of the Complete Sets of Plan and Symbolic Key of the New Tabuk City Police Station na sinundan ng Ribbon Cutting, Unveiling of Brass Marker at Blessing ng naturang istasyon.
Samantala, ang nasabing PNP prototype police station ay nagkakahalaga ng mahigit Php84 milyon na handog ng PSSLAI.
Layunin ng naturang proyekto na ilapit ang pulisya sa komunidad, matiyak ang mabilis, dekalidad at patuloy na paghahatid ng mga miyembro ng Tabuk City PNP ng maayos at epektibong serbisyo lalo na sa usaping pangkaligtasan, inhursensiya, kriminalidad at terorismo.
