Sa paparating na ikatlong State of the Nation Address ni Pangulong Ferdinand “Bongbong” Marcos Jr. ngayong Hulyo 22, 2024, muling ipinakita ng Philippine National Police ang kanilang hindi matatawarang dedikasyon sa pagtiyak ng kaligtasan at seguridad ng publiko.
Ang komprehensibong plano sa seguridad ng PNP, na kinabibilangan ng mas pinalawak na presensya ng pulisya at pag-deploy ng karagdagang puwersa kasama ang mga advanced na surveillance at monitoring system para sa pagpapanatili ng kapayapaan at kaayusan at pagpapakita ng kahandaan para sa anumang insidente.
Nagsagawa ang kapulisan ng maraming simulation at pagsasanay upang matiyak ang kanilang kahandaan, isa na rito ang pagpagpapairal ng “maximun tolerance” partikular na sa mga inaasahang kilos protesta ng iba’t ibang grupo kasabay ng SONA, tututukan ang trapiko sa paligid ng Batasang Pambansa para iwas abala sa publiko at mga drill na nakatuon sa crowd control, emergency response at mga anti-terrorism measures upang maiwasan ang mga potensyal na banta sa seguridad.
Bukod dito, ang pakikipagtulungan ng PNP sa mga lokal na pamahalaan at iba pang ahensya ay patunay ng kanilang pakikiisa, dedikasyon at sama-samang puwersa para sa tiyak na kaligtasan.
Sa dedikasyon ng kapulisan sa kanilang tungkulin at hindi matitinag na komitment sa pampublikong serbisyo ay nasisiguro na ang SONA ay magaganap ng maayos dahil sa Bagong Pilipinas, ang gusto ng Pulis, ligtas ka!
Photo: ABS-CBN News
Panulat ni Pat Monica Labajo
