Lapu-Lapu City – Nagsagawa ang Lapu-Lapu City PNP ng Scubasurero at Coastal Clean-up Drive sa Angasil Wharf Brgy. Mactan, Lapu-Lapu City nito lamang Agosto 3, 2022.
Pinangunahan ng mga tauhan ng Lapu-Lapu City Tourist Police Unit sa pamumuno ni Police Major Genesis S Aniversario, Chief, TPU, kasama ang mga tauhan ng iba’t ibang istasyon, Philippine Coast Guard, mga boluntaryo mula sa Brgy. Mactan at mula sa CMAS (Confederation Mondiale Des Subaquatiques) na pinamumunuan ni Konsehal Emerito Bonghanoy ng Brgy. Marigondon.
Ang Scubasurero at Coastal Clean-up Drive ay programa ng Philippine National Police na naglalayong maprotektahan at maging malinis ang ating karagatan.
Ang aktibidad ay naglalayong makapagbigay ng inspirasyon sa ating mga kababayan upang maging disiplinado sa pagtatapon ng mga basura, mahalin ang mga likas na yaman at mapanatili ang kagandahan at kalinisan sa lugar ng Lapu-Lapu City.
###
Panulat ni Patrolwoman Jenilyn Consul
