Grand Champion ang mga kalahok mula sa PNP Special Action Force sa katatapos na isinagawang limang (5) araw na Panther’s Challenge Competition 2022 sa FSRR, Camp Tecson, San Miguel, Bulacan ay nagtapos ngayong araw, Nobyembre 18, 2022.
Ang naturang kompetisyon ay pinangasiwaan ng First Scout Ranger Regiment ng Philippine Army kung saan naging Overall Champion ang PNP-SAF sa ilalim ng pamumuno ni PBGen Edgar Allan O Okubo, PNP-SAF Director, laban sa 11 AFP Special Operations Forces (SOF) na nilahukan ng anim (6) na teams mula sa FSRR, at tig-isang team mula sa Air Force’s Special Operations Wing (SPOW), Force Recon Marines, Naval Special Operations Command (NAVSOCOM), AFP Light Reaction Regiment (LRR), at Special Forces (Airborne).
Tanging ang PNP-SAF ang Police Unit ang lumahok at nakipagtagisan ng galing laban sa mga elite unit ng AFP at nangibabaw sa iba’t ibang kasanayan at hamon na idinisenyo ng Scout Ranger kung saan kabilang dito ang Confidence Course, Mission Briefing, Land Navigation, River Crossing with Knot-tying, CQB with Demolition, Tactical Combat Casualty Care (TCCC), Radio Communication, Stress Test Firing, at Rucksack March.
Gaganapin ang pormal na seremonya ng paggawad ng parangal sa darating na Nobyembre 25, 2022 kung saan mismong si Presidente Ferdinand “Bongbong” Marcos Jr. ang magiging Guest of Honor and Speaker.
Panulat ni PCpl Mary Metche A Moraera
