Maguindanao – Namahagi ng relief goods ang mga tauhan ng Regional Mobile Force Battalion 14 sa mga residenteng naapektuhan ng bagyong Paeng sa Brgy. Tapian, Datu Blah Sinsuat, Maguindanao nito lamang ika-4 ng Nobyembre 2022.
Ito ay sa pangunguna ni Police Lieutenant Colonel Argel Ancheta, Force Commander, RMFB 14 katuwang ang 1401st Regional Mobile Force Company, 1403rd RMFC at Technical Support Company.
Ang aktibidad na ito ay naglalayong maghatid ng tulong sa publiko at matugunan ang mga pangunahing pangangailangan ng mga mamamayang naapektuhan ng bagyong “Paeng”.
Ang aktibidad ay alinsunod sa programa ng Hepe ng Pambansang Pulisya na si Police General Rodolfo S Azurin Jr, na MKK=K o Malasakit, Kaayusan, Kapayapaan tungo sa Kaunlaran na naglalayong mas mapagtibay ang ugnayan ng PNP at komunidad para sa mas ligtas at maayos na pamayanan.
Panulat ni Patrolman Charlie Nasroden Corpuz
