San Manuel, Pangasinan – Nagkaisa ang KApulisan, SIMBAhan at PamaYANAN (KASIMBAYANAN) upang maghandog ng serbisyo publiko sa mga benepisyaryo ng Sitio Cabatuan, Brgy. Sto Domingo, San Manuel, Pangasinan nitong ika-9 ng Oktubre 2022.
Ang naturang aktibidad ay pinangunahan ng Platoon Leader ng 104th Maneuver Company – Regional Mobile Force Battalion 1 na si Police Lieutenant Kaiser Ashley Uminyad sa ilalim ng superbisyon ng Acting Company Commander na si Police Captain Jasper Tagulao kasama ang San Manuel Municipal Police Station, 2nd Provincial Mobile Force Company (PMFC) Tayug, Rouser Group of the Philippines- Eastern Pangasinan Chapter, Faith-Based Organizations, Advocacy Support Groups at Sto. Domingo Barangay Council.
Ang Revitalized PNP KASIMBAYANAN ay isang programa na binubuo ng pagkakaisa at nagtutulungang Kapulisan, Simbahan at Pamayanan na naglalayong pagyamanin at suportahan ang kasalukuyang PNP peace and security framework na M+K+K=K o ang Malasakit, Kaayusan, Kapayapaan tungo sa Kaunlaran.
Naging tampok sa aktibidad ang paghahandog ng mga serbisyo gaya ng libreng gupit, libreng medical check-up, feeding program para sa mga kabataan at pamimigay ng grocery items sa mga benepisyaryo.
Ayon kay PCpt Tagulao, layon nitong mapalakas ang ugnayan ng bawat sektor ng lipunan upang magtulungan sa pagresolba ng mga suliranin ng ating bansa lalong-lalo na ang insurhensiya at mga krimen.
Dagdag pa ni PCpt Tagulao, naging matagumpay ang aktibidad dahil sa suporta ng mga opisyales ng barangay, religious groups at mga stakeholders.
Patuloy na maghahatid ng serbisyo at tulong sa pamayanan ang buong hanay ng Pambansang Pulisya upang tuluyan nating makamit ang maayos, tahimik at maunlad na bayan.
Source: RMFB1 104th MC
Panulat ni PSSg Vanessa Natividad/RPCADU1
