Rosario, Batangas – Nagsagawa ng PNP Revitalized KASIMBAYANAN o Kapulisan, Simbahan at Pamayanan at Joint Community Outreach Program ang mga tauhan ng Regional Mobile Force Battalion 4A, Regional Police Community Affairs and Development Unit 4A at 403rd Alpha Maneuver Company sa Aeta Community Brgy. Puting Kahoy Rosario, Batangas nito lamang Martes, Nobyembre 29, 2022.
Ang aktibidad ay may temang “Pamaskong Handog sa mga kapatid nating katutubo” ay pinangunahan ng Regional Mobile Force Battalion 4A Counter Urban and Rural Area Operation sa pamumuno ni Police Lieutenant Ma. Aileen Franca, Team Leader katuwang ang Regional Police Community Affairs and Development Unit 4A sa pamumuno ni Police Major Noel Valdez, Deputy Chief, sa direktang superbisyon ni Police Lieutenant Colonel Owen Banaag, Officer-In-Charge, at 403rd Maneuver Company.
Nakiisa rin ang mga Brgy. Officials, Religious Groups at ang pamilya ni Mrs Melody Solis Hernan na isang OFW na tumayong sponsor sa aktibidad.
Namahagi ang mga naturang grupo ng food packs, mainit na sopas at mga school supplies sa 150 pamilya na Aeta na nagbenibisyo sa ginanap na programa.
Namahagi rin ng mga kaalaman patungkol sa mga salita ng Diyos, National Task Force to End Local Communist Armed Conflict at nagkaroon pa ng Audio Visual Presentation kung saan pinapakita ang mga paraan kung paano linlangin ang isip at manghikayat ang mga CPP/NPA/NDF sa mga Indigenous Peoples at kabataan.
Malugod naman na nagpasalamat ang pamayanan ng Aeta dahil sa hindi matutumbasan na saya, ngiti at serbisyo na naihatid sa kanila ng CALABARZON PNP.
Layunin ng programa na maipakita ang tulong at kooperasyon ng bawat isa at alinsunod sa peace and security framework ng CPNP na MKK=K (Mamamayan, Kaayusan, Kapayapaan tungo sa Kaunlaran) sa ilalim ng KASIMBAYANAN Program na ang hangad ay maipakita ang malasakit na serbisyo sa mamamayan para mapanatili ang kaayusan at kaligtasan ng komunidad.
Panulat ni Patrolman Marvin Avila/RPCADU 4A
