Sarangani Province – Nagsagawa ng “Project Juana” ang mga tauhan ng Regional Community Affairs and Development Division (RCADD) 12 sa Kalonbarak Elementary School, Brgy. Poblacion, Malungon, Sarangani Province nito lamang ika-21 ng Hulyo 2023.
Ang aktibidad ay pinangunahan ni PCol Ricky Rebua, Chief RCADD, katuwang ang Malungon Municipal Police Station.
Namahagi ng kaalaman ang grupo patungkol sa Gender and Development, Republic Act 9262 o Violence Against Women and Their Children Act of 2004, RA 8353 o Anti-Rape Law, RA 11313 o The Safe Spaces Act (Bawal Bastos Law) at Executive Order 70 o National Task Force to End Local Communist Armed Conflict.
Namahagi din ang grupo ng mga foodpacks, bigas at mga iba’t ibang binhi ng gulay.
Hindi rin matawaran ang tuwa ng 80 kababaihan na naging benepisyaryo ng programa.
Bilang pasasalamat ay naghandog ng kanilang katutubong sayaw ang mga kababaihan ng Blaan Tribe.
Panulat ni Patrolman Jerrald Gallardo
