Camp BGen Simeon A Ola, Legaspi City – Nagdeploy ang Police Regional Office 5 ng 5,579 police personnel sa mahigit 3,856 na mga paaralan sa rehiyon para sa Oplan Balik Eskwela S/Y 2022-2023 nito lamang Lunes, Agosto 22, 2022.
Ang hakbang na ito ay alinsunod sa kautusan ni Police Brigadier General Rudolph B. Dimas, Regional Director ng PRO5 upang tiyakin ang kaligtasan ng mga mag-aaral sa pagbubukas ng face-to-face classes.
Nagtayo din ng Police Assistance Desks (PADs) malapit sa gate ng mga paaralan upang magbigay ng tulong at assistance sa mga mag-aaral, magulang at mga guro.
Habang 664 naman na mga pulis ang naatasan na magsagawa ng mobile at beat patrol malapit sa mga paaralan, 110 ang nakaasign sa mga terminal, 282 na pulis ang nakatalaga bilang COVID patrollers, 462 ang naatasan na magmando ng trapiko at 239 pulis naman ang naatasan sa seguridad.
Ipinag-utos naman ni PBGen Dimas ang mahigpit na pagpapatupad ng health safety protocols para maiwasan ang pagkalat at pagkakahawaan ng COVID-19.
Ito ang naging mensahe ni PBGen Dimas, “We shall execute the necessary efforts to guarantee our people an orderly start of the face-to-face classes. We also vow to do our part stringently. Our duty is not only limited in our anti-criminality campaigns but also to foil the spread of the pandemic.”
Source: KASUROG Bicol
###
Panulat ni Patrolman Rodel Grecia
