Camp Crame, Quezon City – Matagumpay na pinasinayaan ng Philippine National Police ang katangi-tanging Police Officer Statue kasabay ng Traditional Monday Flag Raising Ceremony sa PNP National Headquarters, Camp BGen Rafael T Crame, Quezon City nito lamang umaga ng Lunes, Abril 25, 2022.
Ang nasabing pagpapasinaya ay pinangunahan mismo ni PNP Chief, Police General Dionardo Carlos, kasama ang iba pang police officials, sa pamamagitan ng unveiling ceremony.
Ang “PNP Officer Statue” ay gawa sa halos 250 kilograms ng demilitarized and beyond economical repair firearms metal parts, isang life-size metal sculpture na obra maestra ng isang well-known contemporary Filipino artist na si Mario “Ram” Mallari Jr., parehong artist na gumawa sa (larger-than-life) Lapu-Lapu statue na gawa rin sa parehong mga materyales, na nauna ng itinayo sa kabilang bahagi ng harapan ng headquarters.
Ang naturang iskultura ay naglalarawan sa isang makabagong Filipino Police Officer na nagsasagawa ng daily patrol, suot ang General Office Attire (GOA) uniform kasama ang equipment belt.
Pinaalalahanan naman ni PGen Carlos ang hanay na ituring na simbolismo ang katangi-tanging iskultura upang ipagpatuloy ang mithiin ng himpilan: ang Service, Honor at Justice. Aniya, “Let it stand as a symbol of hope and as an unyielding instrument of unity that binds the more than 225,000 gallant men and women of the Philippine National Police as we remain unfaltering in upholding the sovereignty of our beloved country as well as in serving and protecting the Filipino people with the utmost respect and highest regard to the rule of law.”
###
