Tiklo ng mga awtoridad sa isinagawang buy-bust operation ang isang drug suspect na kabilang sa PNP/PDEA Target Listed nito lamang ika-10 ng Nobyembre 2024 sa Zone 8, Coco Grove, Barangay Poblacion, Iligan City.
Kinilala ni Police Colonel Reinante B Delos Santos, City Director ng Iligan City Police Office, ang suspek na si alyas “Ronald”, 40 anyos, residente ng nasabing lugar.
Sa ikinasang buy-bust operation ng mga operatiba ng Regional Police Drug Enforcement Unit 10 katuwang nag Iligan City Police Station 5 at Regional Intelligence Unit 10 ay nasamsam ang nasa 50 na gramo ng hinihinalang shabu na may Standard Drug Price na Php340,000; isang weighing scale; isang pitaka at Php500 bill na ginamit bilang buy-bust money.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Iligan City PNP ay patuloy sa pagsasagawa ng mga operasyon kontra ilegal na droga para mapanatiling ligtas at payapa ang kanilang nasasakupang lungsod.
