Quezon City – Tumanggap ang Police Community Affairs and Development Group (PCADG) at Southern Police District, National Capital Region Police Office ng tig-isang yunit ng van mula sa Armed Forces and Police Savings & Loan Association, Inc. (AFPSLAI) sa Camp General Emilio Aguinaldo, Quezon City ngayong araw, ika-16 ng Hunyo 2023.
Ang aktibidad ay pinangunahan ng President at CEO ng AFPSLAI na si VADM Gaudencio Collado Jr. PN (Ret).
Ang mga donasyon ay personal na tinanggap ni PBGen Lou Evangelista, Director, PCADG at ni PBGen Kirby John Kraft, District Director ng SPD.
Ang PCADG at SPD ay tumanggap ng tig-isang yunit ng Toyota Hi-ace GL Grandia kung saan malaking tulong ang nasabing donasyon upang makapagbigay pa ng serbisyo sa ating mga kababayan.
Ang buong pamunuan ng PNP partikular na sa PCADG at SPD ay labis na nagpapasalamat sa AFPSLAI sa donasyong natanggap at sa patuloy na suporta nito sa mga kapulisan at sa layunin nitong makapaglingkod at makatulong sa bawat mamamayan.
Ang AFPSLAI ay isang non-stock savings and loan association na kung saan ay maaaring humiram at mag-impok ng pera ang mga miyembro nito. Naitatag ang nasabing asosasyon noong 1972 at patuloy sa operasyon hanggang sa kasalukuyan. Sa loob ng limang dekadang pag-alalay at pagbibigay ng tulong pinansyal sa mga kasundaluhan at kapulisan maging sa mga pamilya nito, ang AFPSLAI ay maituturing ng matatag at isa na sa mga pinagkakatiwalaan sa larangan ng savings at loan industry.
