Lutayan, Sultan Kudarat – Tuloy-tuloy ang pamamahagi ng pagkain ng PNP sa mga kapatid na muslim kaugnay pa rin sa buwan ng Ramadan sa Brgy. Mamali, Lutayan, Sultan Kudarat, noong Abril 14, 2022.
Ayon kay Police Major Haron Sumensil, Chief of Police ng Lutayan Municipal Police Station, bandang 5:30 ng hapon ng pinangunahan ng Sultan Kudarat Provincial Police Office SALAAM Advocacy Support Group sa pangunguna nila PSSg Joemar Bansuan at Ustads Abdul Maula Samalon sa ilalim ng pangangasiwa ni PCol Tom Tuzon, Provincial Director ang pamamahagi ng pagkain sa pangalawang pagkakataon sa naturang barangay.
Naging masaya at matagumpay ang pamimigay ng PNP sa nasabing lugar at nagdulot ng kasiyahan sa ating mga kapatid na muslim na nagdiriwang ngayong buwan ng Ramadan.
Ayon pa kay PMaj Sumensil, layunin ng proyekto na ito na ipadama sa ating mga kapatid sa Muslim na ang PNP Lutayan ay sumusuporta sa pagdiriwang ng Holy Month of Ramadan at nakikiisa sa usaping pangkapayapaan na may respeto at paggalang sa paniniwala, kultura at relihiyon ng bawat isa.
###
Panulat ni Patrolman Khnerwin Jay A Medelin
