Biliran – Muling isinagawa ng mga kapulisan ng Biliran PMFC ang Oplan BES o Bisita Eskwela – I am Strong sa Felimon Nierras Memorial Elementary School, Sitio Pongkay Brgy. San Isidro, Biliran, Biliran nito lamang Miyerkules, Hunyo 14, 2023.
Ang aktibidad ay pinangunahan ng mga tauhan ng Biliran Provincial Mobile Force Company sa ilalim ng pangangasiwa ni Police Major Adonis O Lesaca, Officer-In-Charge.
Ayon kay PMaj Lesaca, humigit kumulang 30 na mag-aaral ang nakatanggap ng libreng meryenda, school supplies at hygiene kit.
Sa kabilang banda, ibinahagi pa ng mga kapulisan ang patungkol sa batas na kumakalinga sa mga karapatan ng bawat bata katulad ng RA 10627 o ang Anti-Bullying Act of 2013 at ilang maikling kwento na makakapulutan ng aral.
Layunin ng aktibidad na hubugin ang mga mag-aaral na maging “STRONG” o Smart, Talented, Responsible, Obedient, Nice, and God-Fearing ang mga bata.
Hangad ng ating pambansang pulisya na matulungan, gabayan at ipakita ang tunay na malasakit ng ating gobyerno sa mga kabataan para sa kanilang kaligtasan at magandang kinabukasan.
