Camp Carlos Delgado, Catarman, Northern Samar– Sa papalapit na botohan, nagtipon ang buong puwersa ng Northern Samar Police Provincial Office sa pangunguna ni PCol Alfredo Tadefa, Acting Provincial Director sa Multi-Purpose Hall para sa Command Conference noong Huwebes, Mayo 5, 2022.
Pinangunahan ni Police Colonel Tadefa ang Command Conference na dinaluhan nina Police Lieutenant Colonel Joel Nicha, DPDA; Police Lieutenant Colonel Marben Ordonia, DPDO; Quad Staff, Police Captain Michael Justin T Baldugo, Provincial Legal Officer; Force Commanders ng Northern Samar PMFC at Chiefs of Police ng 1st and 2nd District.
Sa panahon ng pagpupulong, ipinakita ng mga Chief of Police ang mga update sa seguridad sa kani-kanilang mga lugar ng jurisdiction, partikular sa deployment ng mga tauhan at mga kakayahan sa logistics.
Sinuri at pinahusay ng PCol Tadefa ang mga kasalukuyang hakbang para sa kapayapaan at kaayusan upang matiyak ang isang mapayapa at maayos na halalan.
Mensahe ni PCol Tadefa, “Sa puspusan ng dinagdagan at pinahigpit na mga hakbang sa seguridad sa mga estratehikong lugar sa lalawigan, lubos ang aming pag-asa na ang halalan 2022 ay magiging secure, accurate, free/fair elections”.
Gayundin, pinaalalahanan niya ang mga tauhan na maging patas at magsagawa ng tamang desisyon sa pagganap ng kanilang mga tungkulin. Binigyang diin din niya ang non-partisan at apolitical na papel ng PNP at ang pangangailangang i-secure ang mga botante at voting center sa lahat ng paraan.
Pinaalalahanan din niya ang lahat ng unit commander na i-secure ang linya at pangasiwaan ang ground status para maiwasan ang anumang hindi kanais-nais na insidente na mangyari.
Dagdag pa niya, ang lahat ng naka-deploy na tauhan ay dapat mahigpit na sundin ang protocol sa araw ng halalan at higit na pinaalalahanan na maging mapagbantay at handang tumugon sa anumang insidente na nangangailangan ng tulong ng pulisya.
Panulat ni Patrolwoman Rialyn B Valdez
