Nagsagawa ng Community Outreach Program at Awareness Lectures ang mga tauhan ng San Juan City Police Station sa Barangay Hall, San Perfecto, San Juan City nito lamang umaga ng Lunes, Pebrero 19, 2024.
Ang nasabing aktibidad ay naisakatuparan sa pamamagitan ng Station Community Affairs and Development Section sa pangunguna ni Police Captain Joseph G Rawat, Deputy Chief, SCADS ng naturang presinto kasama ang Barangay Officials sa pangunguna ni Hon Dennis B Pardiñez, Barangay Chairman kasama ang mga Barangay Kagawad at Sangguniang Kabataan Chairman Sean Adriann L Magtalas.
Bilang bahagi ng “Bagong Pilipinas para sa Barangay” tinalakay sa mga kalahok ang iba’t ibang uri ng Crime Prevention Tips (Modus Operandi), Anti-illegal Drugs, pagsuporta sa ELCAC, kaalaman sa Republic Act 11313, Safe Space Act (Anti-Bastos Law), at mga batas na sumasaklaw sa lahat ng uri ng sexual harassment na nakabatay sa kasarian.
Ginawaran ng parangal ng ating kapulisan ang mga Barangay Officials na sumusuporta sa nasabing aktibidad.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr. na magkaroon ng maunlad na bansa para sa sambayanang Pilipino tungo sa isang bagong Pilipinas.
Source: San Juan City PS
Panulat ni PSSg Remelin M Gargantos
