Pinakawalan ng 1st Special Operations Unit ng PNP Maritime Group sa pangunguna ni Police Lieutenant Colonel Bichelle B Abagcoy, ang makakalikasang adhikain ng PNP sa pamamagitan ng pagpapakawala ng 41 Green Sea Turtle hatchlings sa Barangay Poblacion, Turtle Islands, Tawi-Tawi nito lamang ika-23 ng Nobyembre 2024.
Kaakibat ng aktibidad na ito ang Ministry of Environment, Natural Resources, and Energy.
Ang mga hatchlings ay natural na napisa sa baybayin ng Turtle Islands at maingat na inalagaan ng mga miyembro ng Taganak Maritime Special Boat Crew.
Sa kanilang masusing pagbabantay, natiyak ang kaligtasan ng mga pawikan hanggang sa maibalik ang mga ito sa kanilang likas na tirahan sa dagat.
Ayon kay PLtCol Abagcoy, ang proyektong ito ay sumasalamin sa malasakit ng PNP hindi lamang sa kapayapaan at kaayusan kundi maging sa kalikasan.
Ito rin ay bahagi ng prinsipyong Makakalikasan ng organisasyon, na naglalayong itaguyod ang mas maayos at sustainable na kinabukasan ng bawat Pilipino.
Ang ganitong mga inisyatiba ay patunay ng pagtutulungan ng PNP at mga katuwang na ahensya para sa isang malinis, maayos, at ligtas na kapaligiran.
Panulat ni Patrolwoman Ma. Señora Agbuya
