Quezon City — Masayang programa, siksik, liglig at umaapaw na mga oportunidad ang nailunsad ng mga kapulisan ng Police Community Affairs and Development Group (PCADG) sa pamamagitan ng “PNP Mall Tour and Job Fair” na ginanap nito lamang araw ng Martes, Agosto 15, 2023 sa Ever Mall, Commonwealth, Quezon City.
Pinangunahan ng Police Community Affairs and Development Group (PCADG) ang nasabing programa sa pamumuno ni Police Brigadier General Lou Frias Evangelista, Director ng PCADG, na aktibong pinangasiwaan ni Police Colonel Joel T Ada, Chief, Community Assistance and Development Division (CADD), PCADG at mga kasamahan nito.
Naging matagumpay ang programa sa tulong ng PNP Recruitment and Selection Service (PRSS), Quezon City-PESO, J & T Express Phil, VXI Global Solution, Staff Search Asia, Acabar Marketing International Inc, at Ever Malls.
Sinabayan din ito ng Live Performance Concert galing sa PNP PCADG Combo at PNP Dance and Fitness Team na mas lalong nagpasaya at nagpakulay sa nasabing programa.
Namahagi din ng mahigit 250 IEC materials na makakapagbigay ng dagdag kaalaman para maprotektahan ang kanilang sarili laban sa mga maling impormasyon na nakikita nila sa social media.
Layunin din nitong matulungan ang ating mga kababayan upang mapadali ang kanilang paghahanap ng trabaho at upang mas tumibay pa ang ugnayan ng pulisya at komunidad.
Panulat ni Pat Nica Segaya
