Kinumpirma ng Philippine National Police na pinadaan sa cryptocurrency ang ransom money sa dalawang Chinese at isang South Korean National na dinukot sa Nasugbu, Batangas kamakailan lamang.
Ayon kay Police Brigadier General Jean S. Fajardo, PNP Spokesperson, na nagbayad di umano ng tig-200,000 US Dollar kada isa, ang tatlong Foreign nationals na biktima ng pandudukot ng dalawang naarestong Chinese Nationals sa isang checkpoint sa Cavite.
Lumalabas sa imbestigasyon na dumeretso ang mga suspek sa pamilya ng mga biktima upang humingi ng ransom money gamit sa pamamagitan ng cryptocurrency.
Kasalukuyan pang inaalam ng PNP ang kabuuang naibayad ng mga biktima sa nasabing mga kidnapper.
Samantala tinitingnan naman ng PNP ang isa pang angulo ng krimen na posibleng mayroong nangyaring inside job sa nasabing kidnapping.
Patuloy pa rin ang Pambansang Pulisya sa pagsasagawa ng malalimang imbestigasyon kasabay ng komprehensibong kampanya nito laban sa lahat ng mga iregularidad partikular na sa nangyaring insidente upang tuluyan ng matuldukan ang parehong mga krimen sa bansa.
