Misamis Oriental- Nagsagawa ng PNP KASIMBAYANAN (Kapulisan, Simbahan at Pamayanan) at Community Outreach Program ang mga tauhan ng Misamis Oriental PNP sa Sitio Calunungan, Brgy. San Francisco de Asis, El Salvador City, Misamis Oriental nito lamang Oktubre 27, 2022.
Ang naturang aktibidad ay pinangunahan ni Police Colonel Gonzalo Villamor Jr, Acting Provincial Director ng Misamis Oriental Police Provincial Office, katuwang ang 2nd Provincial Mobile Force Company ng Misamis Oriental, El Salvador City Police Station, Tri-NACPHIL, ACCERT, at Association of Police Lateral Entry.
Nagkaroon ng feeding program sa 150 na residente ng nasabing barangay. Namigay din ng 100 food packs at tsinelas.
Nag-kabit at nag turn-over din ng apat na solar lights sa naturang lugar at nagkaroon din ng libreng gupit ang mga nakiisang bata at mamamayan sa nasabing programa.
Ang aktibidad ay alinsunod sa programa ng ating CPNP na Peace and Security Framework na MKK=K o ang Malasakit, Kaayusan at Kapayapaan tungo sa Kaunlaran at PNP KASIMBAYANAN o Kapulisan, Simbahan at Pamayanan na naglalayong matulungan ang mamamayan na nasa laylayan at maipakita ng Misamis Oriental PNP ang pagmamalasakit sa komunidad at mapagtibay ang ugnayan ng Pambansang Pulisya at komunidad.
Panulat ni Patrolman Edwin Baris/RPCADU 10
