Camp Crame, Quezon City – Naging maayos ang pagsasagawa ng PNP KA-TAGUYOD assembly sa PNP Museum, Camp BGen Rafael T Crame, Quezon City nito lamang ika-20 ng Nobyembre 2022.
Ang naturang gawain ay pinangunahan ni Police Brigadier General Arnel Amor B Libed, Officer-In-Charge, DPCR na aktibo ring sinuportahan ng PCADG Command Group sa pangunguna ni Police Colonel Lou F Evangelista, Acting Director.
Ang aktibidad ay pinasimulan sa pamamagitan ng pagrerehistro ng lahat ng nakiisa, sinundan ng paggawad ng awards sa mga NGOs na mayroong significant accomplishments, kasunod nito ang pagbibigay ng inspirational message ni Dr. Imad Ammar, PCADG Advisory Council Member na agad ring sinundan ng pagbibigay ng mensahe ng pagsuporta ng Presidente ng PNP KA-TAGUYOD, Dr. Elizier Bongabong, PhD.
Samantala, malugod namang nagpaabot ng mensahe ng pagsuporta at pasasalamat si PBGen Libed sa lahat ng nakiisa at masugid na nagbigay ng suporta sa naturang programa.
Kaya naman bilang pagbibigay aliw sa lahat ng dumalo at nakiisa ay nagpakitang gilas naman ang mga miyembro ng PNP Combo at PNP Dance team nang siksik, liglig at nag-uumapaw na performances na siya namang nagpaindak at nagpaawit sa lahat ng kabilang sa aktibidad.
Sa ikatlong bahagi ng programa ay tinalakay na ang Memorandum of Agreement sa pangunguna ni Police Lieutenant Colonel Veronica P Penalosa, Asst. C, CADD, maging ang overview ng KASIMBAYANAN (Kapulisan, Simbahan, Pamayanan),
Isinagawa rin ang Planning Workshop sa lahat ng mga dumalo. Ang aktibidad ay nagtapos sa pagpipresinta ng lahat ng workshop output ng mga nakiisa at nakibahagi sa nasabing programa.
Patuloy na nagsusulong ng mga programa ang ating Pambansang Pulisya upang mas lalong mapagtibay ang ugnayan ng kapulisan at komunidad tungo sa mabilisang pagkamit ng kaayusan, kapayapaan at kaunlaran sa ating lipunan.
