Cagayan de Oro City – Sa pagtatapos ng araw ng Ramadan ng mga kapatid nating Muslim, isinagawa ng Police Regional Office 10 ang PNP Grand Iftar 2023 nito lamang Miyerkules, Abril 19, 2023 sa Camp Alagar, Cagayan de Oro City.
Sinimulan ang aktibidad sa pamamagitan ng mataimtim na pagdarasal na pinangunahan ni Police Major Mohammadali Amerol.
Sa nasabing aktibidad ay pinangunahan ni Police Colonel Henry Dampal, Chief ng Regional Community Assistance and Development Division 10 kasama si Dr. Abnulnasser Masorong Jr., Regional Director ng National Commission on Muslim Filipinos at Police Colonel Danildo Tumanda, Deputy Regional Director for Operation.
Ang aktibidad ay isang paraan upang ipadama ang pakikiisa at paggalang sa pagdiriwang ng banal na buwan ng Ramadan.
Ang Police Regional Office 10 ay patuloy na makikipag-ugnayan sa pamayanan upang mapag-tibay ang nasimulang samahan sa ating mga kapatid na Muslim para sa maayos at payapang bansa.
Panulat ni Patrolman Joshua Fajardo/RPCADU10
