Matagumpay na isinara ang botohan sa mga polling precincts ngayong katatapos na halalan sa tulong ng full force mobilization ng PNP.
Ilang oras bago isara ang botohan, tiniyak ni PNP Chief, Police General Rommel Francisco D. Marbil ang kahandaan ng buong pwersa ng kapulisan, aniya, “Ang kritikal na oras natin pagka after election, by 7:00 o’clock doon talaga magsisimula ang bilangan. Yon ang kailangan namin na mas maraming tao. Talagang yon ang tutok ng mga pulis natin. Mas isesecure natin ang counting machine…Marami kaming mga reserved. 100% ang mga pulis namin mamaya.”
Ayon kay PGen Marbil, tanging ang Bangsasmoro Autonomous Region in Muslim Mindanao (BARMM) ang kanilang mahigpit na binabantayan, partikular sa usapin kung kinakailangang palawigin ang botohan kamakailan.
Ngayong tapos na ang botohan, patuloy pa rin ang PNP sa pagbibigay seguridad lalo na sa mga lugar na kinakailangan ng mahigpit na pagbabantay hanggang matapos ang election period.
