Camp Ruperto Kangleon, Palo, Leyte – Naglabas ang pamunuan ng Police Regional Office 8 ng Situational Report sa naging epekto ng Tropical Cyclone Agaton sa Eastern Visayas bandang hapon ng Abril 15, 2022.
Ayon kay Police Brigadier General Bernard Banac, Regional Director ng PRO 8, 602 na Barangay, 111,230 na pamilya at 443,555 ang indibidwal ang naapektuhan ng bagyong Agaton sa buong Eastern Visayas.
Ayon pa kay PBGen Banac, nasa 161 na ang patay at 104 pa ang pinaghahanap sa patuloy na retrieval operation na isinasagawa ng mga otoridad.
Dalawang tulay at 23 na mga kalsada ang hindi pa nadadaanan sa ngayon.
Ang pinsala naman sa Agrikultura ay umabot na sa 2,379 hectares na taniman ang nasira at may halaga na Php106,131,468.
Ang kapulisan ng PRO 8 ay patuloy pa ring nagsasagawa ng search and retrieval operations sa mga lugar na apektado ng bagyong Agaton at magbibigay tulong sa mga residente ng kanilang mga pangunahing pangagailangan.
###
Panulat ni Patrolwoman Rialyn B Valdez
