Sipalay City, Negros Occidental – Tagumpay na inilunsad ang 5-day Disaster Preparedness, Search, Rescue and Relief Operation Training para sa mga kapulisan nitong Mayo 27, 2022, na ginanap sa Rodrigo Chua Memorial Center, Brgy. 2, Sipalay City, Negros Occidental.
Nagtapos sa naturang pagsasanay ang 40 police participants mula sa Sipalay City Police Station, Hinoba-an Municipal Police Station, Kabankalan City Police Station, 2nd Negros Occidental Provincial Mobile Force Company at 604th Company, Regional Mobile Force Battalion 6.
Naging matagumpay ang limang araw na pagsasanay sa tulong ng City Disaster Risk Reduction and Management Office ng Sipalay, Bureau of Fire Protection, Special Action Force, at ng Force Commander ng 2nd NOCPMFC at Philippine Coast Guard na siyang tumayong mga instructors.
Samantala, dumalo naman sina Police Colonel Rhea Santos, Chief, RLRDD; Police Major Jigger Gimeno, Chief, PCADU, na siyang kumakatawan kay Police Colonel Leo Pamittan, NOCPPO Acting Provincial Director; Police Major Terrence Paul Sta Ana, Chief PIS/CRMIS; at si Ms. Jenny G Alcala at Mr. John Paul U Agapito, LDRRMO III ng Sipalay City sa closing ceremony ng naturang pagsasanay.
Ang nasabing training ay bahagi sa mga hakbang ng PNP upang patuloy na sanayin ang kahandaan ng lahat ng mga tauhan nito sakaling magkakaroon ng mga sakuna at kalamidad.
###
