Eastern Samar – Nagsagawa ng PNP Community Outreach Program ang mga tauhan ng 1st Eastern Samar Provincial Mobile Force Company na ginanap sa Brgy. Pangabutan at Brgy. Batiawan, Taft, Eastern Samar nitong Martes, Nobyembre 22, 2022.
Ang aktibidad ay pinangunahan ng PCAS Team ng 1st Eastern Samar PMFC sa pangunguna ni Police Lieutenant Angelyn Glou Cortado, Admin at PCAS Officer sa pangangasiwa ni Police Lieutenant Colonel Jonathan R Momo, Force Commander.
Humigit kumulang 50 na Day Care pupils ang nakatanggap ng coloring books at krayola. Naghain rin ng meryenda ang kapulisan na Chocolate wafers at yoghurt drink para sa mga bata.
Nagbigay aliw din ang PCAS Hoofers sa pangunguna ni Police Corporal Gregy Orendain sa pamamagitan ng isang sayaw.
Nagpapasalamat naman si Teacher Ray Cantos at Hon. Mirafe Docong sa pagpili ng kanilang paaralan at barangay para maging benepisyaryo ng magandang programa na ito.
Ang naturang aktibidad ay kaugnay sa paggunita ng ika-30th National Children’s Month 2022 na may temang “Kalusugan, Kaisipan at Kapakanan ng Bawat Bata, Ating Tutukan” at naglalayong mapangalagaan ang kapakanan ng mga kabataan.
