Nakapaghatid saya sa 105 indibidwal ang isinagawang PNP Community Outreach Program ng San Mariano PNP na pinamumunuan ni Police Major Edgar Manuel Jr., sa Ueg Elementary School, Brgy. Ueg, San Mariano, Isabela noong ika-20 ng Abril 2023.
Ang naturang aktibidad ay aktibong nilahukan nina Pastor Oscar Luis F Ortega, Life Coach, Barangay Officials, KKDAT, at mga miyembro ng Advocacy Support Groups.
Itinampok sa aktibidad ang pamamahagi ng assorted reading materials at pagbibigay ng libreng gupit para sa mga mag-aaral, Free-range Chicken sa pamamagitan ng Project C.H.I.C.K.E.N. (Creating Home-based Initiatives as Key to their Essential Needs) at assorted seedlings sa pamamagitan naman ng Project HEAL (Help Ease Adversities in Life) para naman sa mga residente ng Brgy. Ueg.
Nagkaroon din ng feeding program, pamamahagi ng assorted grocery items, tree planting, maging ang pagtalakay sa EO 70 NTF-ELCAC, R.A. 8353 (Anti-Rape Law of 1997), R.A. 10627 (Anti- Bullying Act of 2013) at Project KASIMBAYANAN para sa nabanggit na barangay.
Layunin ng aktibidad na palawigin ang pagbibigay tulong sa mamamayan sa ganitong paraan upang lalo pang mapaigting ang ugnayan ng kapulisan sa komunidad.
Source: Isabela PPO, PIO
Panulat ni PSSg Jerlyn V Animos
