Misamis Occidental – Muling umarangkada ang PNP Community Outreach Program na pinangunahan ng mga tauhan ng Police Regional Office 10 sa Brgy. Carmen, Jimenez, Misamis Occidental nito lamang Huwebes ng Mayo 18, 2023.
Ito ay matagumpay na naisakatuparan sa tulong ng Provincial Government ng Misamis Occidental sa pangunguna ni Atty. Henry Oaminal, Governor, Local Government ng Jimenez, Department of Health 10, Force Multipliers at Advocacy Support Groups.
Ilan sa serbisyong handog ay pamimigay ng food packs, tsinelas, damit, libreng gupit, libreng medical at dental check-up at mobile library para sa mga kabataan.
Nagsagawa din ng sim card registration, National ID, blood sugar testing, ear piercing at alis kuto campaign.
Mahigit nasa 400 na indibidwal ang napasaya at natulungan ng naturang programa.
Layunin nito na matulungan ang mamamayan na mas nangangailangan partikular na sa Geographically Isolated Disadvantage Areas o GIDAS sa tulong ng pulisya at iba’t ibang ahensya ng pamahalaan.
Panulat ni Patrolman Edwin Baris/RPCADU10
