Trinidad, Bohol – Matagumpay na inilunsad ng PNP ang Community Outreach Program para sa mga residente ng Brgy. Guinobatan, Trinidad, Bohol nito lamang Miyerkules, Abril 27, 2022.
Ang nasabing aktibidad ay pinamunuan ni Police Major Christopher Ras Fernandez, Chief of Police ng Trinidad Municipal Police Station, at mga tauhan nito na aktibong sinuportahan at dinaluhan ng mga miyebro ng Triskelion’s Grand Fraternity and Sorority Bohol Provincial Council at Trinidad Lady Triskelion na pinangunahan ni Mr. Ronald Dagbay.
Sa nasabing programa ay ibinahagi ng mga nag-organisa ang mga food packs at ang matamis at malamig na sorbetes sa mga bata at sa lahat ng dumalo.
Ang nasabing programa ay naglalayon na mabigyang kaalaman ang bawat bata patungkol sa pagpapahalaga ng kanilang kalusugan at nang malaman at matugunan ang kanilang mga pangangailangan.
Ang PNP ay patuloy sa pagsasagawa ng kanilang mga gawain at hakbangin upang mas mapalalim at mapatatag ang relasyon sa komunidad lalo na higit sa mga kabataan na siyang itinuturing pag-asa ng ating bayan.
###
