Pangasinan – Nagsagawa ang Regional Police Community Affairs and Development Unit 1 (RPCADU1) ng PNP Community Outreach Program sa Brgy. Buenlag 2nd, Bayambang, Pangasinan nitong ika-21 ng Disyembre 2022.
Ang naturang aktibidad ay pinamunuan ni Police Major Francis Cacas sa superbisyon ni Police Lieutenant Colonel Dexter Mariano Paredes at sa pakikipagtulungan ng Bayambang Municipal Police Station, Barangay Buenlag 2nd, Zumba group, Kalipunan ng Liping Pilipina Inc. (KALIPI), Muslim Community ng Bayambang at ng Iglesia Philadelphia Church.
Ang PNP Community Outreach Program ay sinimulan sa Zumba kung saan ang mga miyembro ng PNP, KALIPI, LGBTQ+, Brgy. Officials at mga residente ay masayang nakiindak sa Life is Beautiful dance steps.
Kasunod nito ang maikling programa, feeding program at pamimigay ng aginaldo para sa mga bata at Christmas package sa mga kwalipikadong benepisyaryo sa nasabing barangay.
Ang mga kapulisan mula sa Bayambang MPS sa pamumuno ni Police Lieutenant Gerald Cadwising, PCAD Officer, ay nagbigay ng lektyur ukol sa Anti-Violence Against Women and their Children (VAWC), Buhay Ingatan, Droga’y Ayawan (BIDA), at End Local Communist Armed Conflict (ELCAC).
Labis naman ang tuwa at pasasalamat ng mga 80 na benepisyaryo sa kanilang biyayang natanggap at nangakong patuloy na susuportahan ang programa ng ating mga kapulisan.
Source: RPCADU1
Panulat ni PSSg Vanessa A Natividad
