Nagsagawa ng Community Outreach Program sa Bagong Pilipinas ang mga tauhan ng Patnongon Municipal Police Station sa Barangay Aureliana, Patnongon, Antique nito lamang ika-9 ng Abril 2024.
Naisakatuparan ang aktibidad sa pakikipagtulungan ng Federation of Bantay Bayan Visayas Region (FBBVR) sa pamamagitan ng kanilang Municipal Coordinator Ptr Gabriel at President Mrs. Grace Sebastian ng Barangay Aureliana na kinatawan ni Barangay Kagawad Oliver Escaner.
Kabilang sa mga aktibidad ang pagsasagawa ng feeding program, pamimigay ng regalo, parlor games, at awareness lecture sa mga magulang at 48 na mag-aaral ng Igcapayas Elementary School.
Tinalakay din ni PEMS Jeannit ang paksa ukol sa prevention tips upang hindi maging biktima ng sexual na pang-aabuso at masamang epekto ng drugs bilang bahagi ng BIDA Program at anti-terrorism campaign ng istasyon.
Ang nasabing aktibidad ay bahagi ng inisyatibo ng istasyon na “Pulis sa Eskwelahan”.
Ang pagkakaisa ng komunidad at kapulisan sa paghahatid ng tulong sa mga nangagailangan nating kababayan ay patunay ng nagkakaisang bansa tungo sa hinahangad na Bagong Pilipinas.
Source: Patnongon MPS
Panulat ni Pat Juliebelle Alvior
