Ormoc City – Patuloy ang pagsasagawa ng PNP Community Outreach Program ng mga tauhan ng Ormoc City Police Office na ginanap sa Barangay Alta Vista, Ormoc City nitong ika-20 ng Disyembre 2022.
Ito ay matagumpay na naisakatuparan sa pagtutulungan ng mga tauhan ng Ormoc City Police Office sa pamumuno ni Police Colonel Nelvin Ricohermoso, City Director katuwang ang Alpha Kappa Rho Fraternity at Ms. Evelyn Withrow bilang mga sponsors.
Ang aktibidad ay naisagawa sa pamamagitan ng Christmas Gift Giving Activity na nagpasaya sa mga kabataan ng naturang lugar.
Sa kabuuan ay mayroong 50 na bata ang nakatanggap ng libreng tsinelas, bags at meryenda.
Ito ay kaugnay sa programa ng PNP na MKK=K (Malasakit, Kaayusan, Kapayapaan tungo sa Kaunlaran) at sa paglulunsad ng Revitalized PNP KASIMBAYANAN Program na naglalayong matulungan ang ating mga kababayan na lubos na nangangailangan.
Ang ating Pambansang Pulisya ay patuloy na magbibigay ng magandang serbisyo sa mamamayan upang mapaigting ang ugnayan ng PNP at mamamayan.
