Northern Samar – Nagsagawa ang 2nd Northern Samar Provincial Mobile Force Company ng Community Outreach Program sa pamamagitan ng Feeding Program na ginanap sa Sitio Busak, Brgy. Cabarian, Pambujan, Northern Samar nito lamang Huwebes, Hunyo 16, 2022.
Ang naturang aktibidad ay pinangunahan ni Police Lieutenant Colonel Seth Mark Alob, Force Commander ng 2nd Northern Samar PMFC katuwang ang mga barangay official ng nasabing Barangay.
Mahigit 50 na bata ang napamahagian ng food packs na naglalaman ng spaghetti at tinapay.
Layunin ng aktibidad na magbigay ng masustansyang pagkain sa mga bata upang mabawasan ang malnutrisyon, bigyang inspirasyon at hangarin para sa kanilang mas maliwanag na kinabukasan.
Mensahe ni PLtCol Alob, “Kami, mga Police Officer ay simbolo ng pag-asa at ang bintana ng gobyerno sa komunidad. Lagi tayong maging mas mabuting pag-asa para sa mga nangangailangan. Palagi kaming nandito at bukas ang pinto namin para sa inyo”.
Ang hakbangin na ito ng PNP ay para mas mapabuti ang ugnayan ng pulisya-komunidad o ang relasyon sa pagitan ng pulisya at ng mga komunidad na kanilang pinaglingkuran.
###
Panulat ni Patrolwoman Rialyn B Valdez
