Palawan – Nagsagawa ng PNP Community Outreach Program ang mga tauhan ng 1st Palawan Provincial Mobile Force Company sa Sitio Cacawitan, Brgy. Tagusao, Quezon, Palawan noong ika-6 ng Oktubre 2023.
Ang aktibidad ay pinangunahan ni Police Lieutenant John Rhain Baza, Platoon Leader sa ilalim ng pangangasiwa ni Police Lieutenant Colonel Klinton Rex Jamorol, Force Commander ng 1st Palawan PMFC katuwang ang mga tauhan mula sa Marine Batallion Landing Team (MBLT-7), at Local Government Unit ng Quezon, Palawan, sa pamumuno ni Hon Joselito Ayala Jr., Municipal Mayor.
Mahigit sa 300 residente ng Sitio Cacawitan, Brgy. Tagusao, Quezon ang nabiyayaan sa isinagawang libreng tuli, gupit, feeding activity, at libreng check-up.
Ang aktibidad na ito ay alinsunod sa patuloy na suporta ng PNP sa mamamayan lalo na sa mga hindi naseserbisyuhan na naninirahan sa malalayong lugar, katuwang ang mga stakeholders na naglalayong makapagbahagi ng libreng serbisyo para sa kapwa.
Panulat ni Patrolman Erwin Calaus
