Samu’t saring basura ang nalikom ng mga otoridad sa isinagawang Coastal Clean-Up Activity sa Momo Beach, Bil-isan, Panglao, Bohol nito lamang Miyerkules, Abril 27, 2022.
Ang nasabing aktibidad ay pinangunahan ng Station Chief ng Maritime Police Station ng Bohol, Police Major Ricky A Calong, katuwang ang mga miyembro ng AVSEU- Bohol maging ang mga residente ng nasabing lugar.
Ayon kay PMaj Calong, tinatayang nasa mahigit limang sako ng basura ang nakalap ng mga lumahok sa nasabing aktibidad.
Layunin ng nasabing aktibidad na mabigyan ng kamalayan ang publiko upang pahalagahan at pangalagaan ang ating kalikasan.
###
