Personal na ginawaran ng parangal at nag-abot ng tulong pinansyal si Police General Rommel Francisco D Marbil, Chief, Philippine National Police sa isang sugutang pulis dahil sa nangyaring engwentro sa ikinasang anti-illegal drug operation na kasalukuyang nagpapagaling sa isang hospital sa General Santos City nito lamang hapon ng Martes, Nobyembre 19, 2024.
Matatandaan na noong ng Nobyembre 15 nang nasawi ang dalawang magigiting na alagad ng batas na sina Patrolman Kirt Sipin at Police Corporal Roselyn Bulias habang dalawa namang pulis ang sugatan mula sa hanay ng PNP-Drug Enforcement Group (PDEG).
Matapos makipagpalitan ng putok ang mga suspek sa nagpanggap na mga poseur buyer at nagresulta sa pagkakahuli ng mga suspek at pagkakakumpiska ng isang kilo ng shabu na may Standard Drug Price na Php6.8 milyon.
Sa pagbisita ng Ama ng Pambansang Pulisya, iginawad nito sa sugatang pulis ang “Medalya ng Kadakilaan”, “Medalya ng Sugatang Magiting” at iniabot ang tulong pinansyal.
Kasamang bumisita ni CPNP si PDEG Director Police Brigadier General Eleazar Matta, na nangakong tutulungan at tutukan ang pagpapagamot ng mga sugatang pulis para sa kanilang agarang paggaling.
Dagdag pa nito na kasalukuyan nang inaayos ng kanilang opisina ang on the spot special promotion para sa apat na kapulisan na nagsakripisyo ng kanilang buhay para sa paglaban sa ilegal na droga.
Samantala, una nang binisita ni CPNP ang mga labi ng mga napaslang na pulis at nag-abot ng tulong at parangal sa mga naulila nilang pamilya bago.
