Patuloy ang mga programa ng Philippine National Police (PNP), sa pamamagitan ng Police Community Affairs and Development Group (PCADG), upang mas mapaigting pa ang matatag na ugnayan ng mamamayan at pulisya sa pagpapanatili ng payapa at maunlad na bansa.
Noong ika-27 ng Oktubre, 2021, nilagdan ang isang Memorandum of Agreement sa pagitan ng PNP at Anti-Narcotics International Assistance Group, Inc. (NARIAG) sa Kampo Crame.
Napagkasunduan ng dalawang partido na magtulungan at magkaisa para sa mga isinasagawang police-community relations programs ng Pambansang Pulisya.
Sa isang simpleng seremonya, pinangunahan ni Police Brigadier General Eric E. Noble, ang Director ng PNP-PCADG, ang paglagda sa MOA kasama ang Presidente ng NARIAG Inc. na si Olga A. Mabborang.
Ang NARIAG Inc. ay kabilang sa mga Non-Governmental Organization (NGO) na accredited ng PNP.
“Layunin ng kasunduan na palaguin pa ang matatag na ugnayan at pagtutulungan ng PNP at ng komunidad upang labanan ang iligal na droga, krimen, terorismo at korapsyon. Mahalaga ang papel na ginagampanan ng ating mga NGOs. Sa tulong nila, mas napapalawig at mas epektibong naipapatupad ang mga programa ng PNP, lalo sa mga kababayan natin na nasa laylayan,” paliwanag ni PBGen Noble.
#####
Article by Police Corporal Jesphine T Blanche
