Maguindanao del Norte – Mainit na sinalubong ng Bangsamoro Autonomous Region Training Center si Police Major General Bernard Banac, Direktor ng PNP Special Action Force sa kanyang isinagawang Talk to Men na idinaos sa BARTC Grandstand, Camp Salipada K Pendatun, Parang, Maguindanao Del Norte nito lamang ika-15 ng Enero 2024.
Naging Panauhing Pandangal si PMGen Banac sa Bangsamoro Police Basic Recruit Course (BPBRC) BARTC Batch 2023- 01 CL Alpha & Bravo “BAKAS-LIPI” at BPBRC BARTC Batch 2023-02 CL Alpha – Foxtrot “HIMAGLASIK”.
Sa kanyang mensahe, binigyang-diin niya na ang mga naturang trainees ay tinawag ng Diyos para maging bahagi ng Police Force/National Police Force. Dagdag pa niya, mayroong mas mataas na panawagan at iyon ay ang maging bahagi ng National Police Force na kumakatawan sa National Police Force sa kanilang rehiyon upang maging bahagi ng pag-unlad ng rehiyon.
“Kayo ang next generation ng kapulisan ng Rehiyon na ito at kayo ang tutulong sa pagpapalaganap ng ating kapayapaan, kaunlaran, at kasaganaan for the Bangsamoro Autonomous Region and everybody would be able to graduate from training. Hopefully, walang magku-quit ha. It’s just a matter of time kaunti na lamang na panahon makakatapos na kayo, yung paghihirap ninyo ngayon ay may kapalit yan na trabaho, kasaganahan at kaunlaran hindi lamang sa inyong pamilya kundi pati na rin sa bayan.” mensahe ni PMGen Banac.
