Pinangunahan ni Police Lieutenant Colonel Ferdinand M Casiano, Station Commander ng La Loma Police Station, ang search and rescue retrieval operation para sa mga residenteng na-trap sa kani-kanilang bahay dulot ng hagupit ng bagyong Carina sa kahabaan ng 123 Don Manuel Regalado Street Barangay Sto. Domingo, Quezon City bandang 8:37 ng gabi nito lamang Miyerkules, Hulyo 24, 2024.
Pahayag ni PLtCol Casiano, halos lagpas tao na ang tubig-baha sa kanilang nasasakupan kaya personal na sumama sa operasyon para sa agarang paglikas ng mga na-trap na residente.
Katuwang sa naturang operasyon ng La Loma PNP ang mga personahe ng District Mobile Force Battalion.
Nagbahay-bahay ang naturang grupo upang mailikas ang mga residente, mga bata at madala sa pinakamalapit na evacuation center.
Kaligtasan at seguridad ng publiko ang prayoridad ng grupo nina PLtCol Casiano habang pasasalamat naman ang ipinaabot ng mga residente sa agarang aksyon ng La Loma PNP sa gitna ng unos na dala ng bagyong Carina.
Source: La Loma Police Station
Panulat ni PSSg Grace Neville L Ortiz
