Rizal – Naaresto ang pinuno ng Ceda Criminal Group sa ikinasang Search Warrant ng mga awtoridad sa Bagong Bayan Ext, Brgy. Darangan, Binangonan, Rizal nito lamang Miyerkules, Enero 25, 2023.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si alyas “Jun Ceda”, 46, residente ng naturang barangay.
Ayon kay PCol Baccay, bandang 5:30 ng umaga naaresto ang suspek ng pinagsamang puwersa ng Criminal Investigation and Detention Group Rizal Provincial Force Unit, Provincial Intelligence Team Rizal Regional Intelligence Unit 4A, PHPT Rizal, Provincial Intelligence Unit Rizal, Naval Intelligence Support Group-National Capital Region, 404th Maneuver Company Regional Mobile Force Battalion 4A, Binangonan Municipal Police Station at 34th Special Action Company 3rd Special Action Battalion PNP Special Action Force.
Narekober sa suspek ang isang unit Armscor caliber 45 pistol with serial number 1220747; dalawang pirasong magazine ng cal. 45, 11 bala, isang unit caliber 22 improvised pistol na may isang magazine, isang replica pistol na may isang magazine at isang granada.
Nahaharap ang suspek sa kasong paglabag sa Republic Act 10591 o Comprehensive Firearms and Ammunition Regulation Act at Unlawful Possession of Explosives.
Patuloy ang Pambansang Pulisya sa pagsisiguro ng katahimikan at kaayusan ng ating komunidad.
