Pinili, Ilocos Norte – Naghandog ang Pinili PNP ng mga regalo sa isang bata at kanyang pamilya sa Brgy. Bungro, Pinili, Ilocos Norte nito lamang Sabado, ika-24 ng Disyembre 2022.
Ayon kay Police Lieutenant Roi Manuel G. Ordonio, Officer-In-Charge ng Pinili PNP, ang batang kanilang binigyan ng regalo ay nagngangalang Christopher Escorpizp na isang bulag.
Dagdag pa ni Police Lieutenant Ordonio, binigyan nila ng regalo si Christopher at ang pamilya nito ng regalo upang mapasaya ang mga ito at maiparamdam sa kanila ang saya ng kapaskuhan.
Ang regalong ibinigay nila kay Christopher ay laruan habang ang pamilya naman niya ay nakatanggap ng grocery food pack tulad ng bigas at iba pa na kanilang lubos na mapapakinabangan sa kanilang pang araw-araw na pamumuhay.
Ang pamamahagi ng regalo ng Pinili PNP ay isa lamang sa maraming magandang gawain ng PNP upang makatulong at makapagpasaya lalo ngayong panahon ng kapaskuhan.
Source: Pinili Municipal Police Station
Panulat ni Pat Viljon Anthony A. Comilang
