Pinalakas ang seguridad sa buong Metro Manila bilang paghahanda sa All Saints’ Day at All Souls’ Day 2024, sa pamamagitan ng pag-iinspeksyon sa iba’t ibang mga sementeryo at terminal ayon Kay Police Major General Sidney S Hernia, Acting Regional Director ng National Capital Region Police Office nito lamang Huwebes, ika-31 ng Oktubre 2024.
Lumahok sa naturang inspeksyon ang nga District Director at Chiefs of Police ng NCRPO upang bigyang-diin ang pangangailangan para sa praktikal, on-the-ground na mga protocol ng seguridad upang umangkop sa mataas na dami ng mga manlalakbay at bisita na inaasahan sa pagdiriwang ng Undas.
Ang mga lugar na kanilang ininspeksyon ay Five Star Bus Terminal sa EDSA, Quezon City; Manila North Cemetery sa Bonifacio Avenue, Santa Cruz, Manila; Parañaque Integrated Terminal Exchange (PITX) sa Barangay Tambo, Parañaque City; at NAIA Terminal 3 sa Pasay City.
Sinuri din ng inspeksyon ang mga diskarte sa pag-iwas sa krimen, partikular sa pagtugon sa mga karaniwang banta tulad ng mga insidente ng ‘akyat-bahay’ at iba pang potensyal na pagkagambala sa panahon ng holiday.
Ang NCRPO ay nagtalaga ng higit sa 12,000 pulis at nag-activate ng mga protocol upang mapahusay ang kaligtasan ng komunidad.
Hinihikayat ni PMGen Hernia, ang publiko na manatiling alerto, agad na mag-ulat ng mga kahina-hinalang aktibidad sa pamamagitan ng PNP LERIS platform o sa mga malapit na himpilan ng pulisya, at sumunod sa lahat ng mga payo sa kaligtasan.
“Operational na po ang ating PNP LERIS, ang ginagawa natin ngayon ay we are trying to cascade na maintindihan at gamit ng taong bayan itong ating bagong sistema,” dagdag ni RD Hernia.
Source: PIO NCRPO
