Nasabat ang Php99,280 halaga ng droga sa tatlong High Value Individual at isa pang drug suspek sa ikinasang drug buy-bust operation ng awtoridad sa Barangay Tugos, Paracale, Camarines Norte noong Disyembre 2, 2024.
Kinilala ang mga suspek na isang 38 taong gulang, High Value Individual at drug den maintainer; isang 26 taong gulang, at High Value Individual; isang 30 taong gulang, at High Value Individual; at isang 28 taong gulang, pawang mga walang trabaho at mga residente ng Barangay Burgos, Paracale, Camarines Norte.
Ikinasa ang operasyon sa nasabing lugar bandang 4:23 ng hapon ng pinagsanib na operatiba ng PDEA Camarines Norte (lead unit), Paracale MPS, at PDEU – Special Operation Unit 5.
Nasamsam mula sa mga suspek ang hinihinalang shabu na may kabuuang timbang na 14.6 gramo at may market value na Php99,280, buy-bust money, boodle money at iba’t ibang drug paraphernalia.
Ang matagumpay na operasyon ay bunga ng walang tigil at mas pinaigting na kampanya ng Paracale PNP katuwang ang iba’t ibang ahensya ng pamahalaan kontra ilegal na droga upang mapanatili ang kaayusan at katahimikan sa lokalidad, dahil sa Bagong Pilipinas, gusto ng pulis ligtas ka!.
