Angeles City – Tinatayang Php972,000 halaga ng shabu ang nasabat sa dalawang suspek sa isinagawang buy-bust operation ng Angeles City PNP sa Brgy. Pandan, Angeles City nito lamang Biyernes, ika-21 ng Oktubre 2022.
Kinilala ni Police Colonel Juritz Rara, City Director ng Angeles City Police Office, ang dalawang suspek na sina Angelique Marcos y Ambrocio alyas “Lic”, 33, residente ng 101 A Remegio St, Maysilo, Malabon City at Ariel Obinario y Canlas alyas “Onyok”, 25, residente ng 63 St, Mawaque Resettlement, Brgy. Sapang Biabas, Mabalacat City, Pampanga.
Ayon kay PCol Rara, bandang 7:45 ng gabi nang naaresto ang dalawang suspek sa naturang lugar ng mga operatiba ng Angeles City Drug Enforcement Unit, Angeles City Police Office-Station 3, Special Operations Unit 3 ng Regional Drug Enforcement Unit 3 at Regional Drug Enforcement Unit 3.
Narekober mula sa dalawang suspek ang 143 gramo ng hinihinilang shabu na may tinatayang halaga na Php972,400 at 10 pirasong Php1,000 bill bilang boodle money.
Ang dalawang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Sinisiguro ng Police Regional Office 3 na patuloy ang maigting na kampanya laban sa ilegal na droga upang mapanatili ang kaayusan at kapayapaan sa rehiyon.
Source: Angeles City Police Office
Panulat ni Police Corporal Maria Elena Delos Santos
