Benguet – Tinatayang Php960,000 halaga ng marijuana ang nadiskubre ng PNP at PDEA sa Sitio Libo-ong, Brgy. Badeo, Kibungan, Benguet nito lamang ika-9 ng Marso 2023.
Ayon kay Police Colonel Damian Olsim, Provincial Director ng Benguet Police Provincial Office, matagumpay ang isinagawang marijuana eradication ng mga operatiba ng Kibungan Municipal Police Station, PDEA Benguet, PNP Special Action Force 143 Special Action Company, 14 Special Action Battalion na nagresulta sa pagdiskubre ng mga dried marijuana stalk sa nasabing lugar.
Dagdag pa ni PCol Olsim, humigit kumulang 8,000 gramo ng dried marijuana na may Standard Drug Price na Php960,000 ang kaagad sinunog ng mga operatiba.
Ang Benguet PNP at PDEA ay patuloy sa pagpapaigting ng kampanya kontra ilegal na droga para sa kaayusan at kapayapaan sa buong probinsya.
