Nueva Ecija – Tinatayang Php952,000 halaga ng shabu ang nakumpiska sa ikinasang buy-bust operation ng mga awtoridad sa Purok 7, Brgy. Valle Cruz, Cabanatuan City nito lamang Lunes, ika-8 ng Mayo 2023.
Kinilala ang mga suspek na sina alyas “Dionisio”, 39 at alyas “Elena”, 32, pawang mga reisdente ng Purok 1, Brgy. San Juan Accfa, Cabanatuan City, Nueva Ecija.
Ayon kay Police Colonel Richard Caballero, Provincial Director ng Nueva Ecija Police Provincial Office, naaresto ang dalawang suspek bandang 12:15 ng madaling araw sa pinagsanib pwersa ng Cabanatuan City Police Station, Provincial Intelligence Unit at Provincial Police Drug Enforcement Unit-Nueva Ecija.
Nakumpiska mula sa dalawang suspek ang hinihinalang shabu na may timbang na 140 gramo na nagkakahalaga ng Php952,000; black sunglasses bag; isang pirasong genuine Php1,000 bill bilang buy-bust money; at isang pirasong Php1,000 bilang boodle money.
Nahaharap ang dalawang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang pagpapaigting ng Cabanatuan City PNP sa pangangampanya laban sa ilegal na droga sa pamamagitan ng Anti-Illegal Drug Awareness Lecture sa mga eskwelahan at mga barangay upang bumaba ang demand ng droga sa kanilang nasasakupan.
Source: Nueva Ecija Police Provincial Office
Panulat ni Police Coporal Jeselle Rivera/RPCADU3
